quinta-feira, 17 de maio de 2007

1338 Falintil ho Funu Nain Simu Medalia



DILI – Nasaun nebee diak sempre respeita ninia heroi sira nebee maka fo sira nian an tomak ba luta independensia.

Ho esperitu patriotismu no idealismu nebee forte hodi fo nafatin omanajen ba luta nain sira, estadu Timor Leste, hahuu Tersa too Kuarta horseik, entrega medali kondekorasaun ba Falintil ho funu nain sira husi Distritu Lopalos, Baucau, ho Viqueque.

Heroi hirak nebee simu medalia nee, kompostu husi Orden Falintil hamutum ema 5.309 ho Orden Funu Nain (5.029)

Serimonia simu kondekorasaun nee hahu Tersa (15/5) too Sesata (18/5). Antes simu medali hetan protestu husi orden Falintil nian ida husi Baucau, katak atu simu deit medalia nee nusa maka mai too iha Dili hodi habai ferik ho katus sira iha loron laran.

Hatan ba kestaun nee, Prezidenti Repuiblika, Kay Rala Xanana Gusmao hatete, povu Timor halo funu iha tinan 24 nia laran la kole, maibe atu simu medalia hanesan fo valor ba haroi sira iha oras hirak nia laran deit kole.

“Imi mai tanba ema barak maka mate, ruin naklaekar iha fatin-fatin too balu la foti. Hau husu ita hotu tenki pasensia tanba ema rihun ba rihun maka sei simu too iha Sabadu,” Xanana haktuir.

Tuir lolos medalia nee atu entrega liu husi distritu idak-idak, miabe tanba iha fulan rua nia laran nee Timor komplikadu tebes ho kampanha nomos eleisaun, nee maka komisaun organizadora hola desizaun entrega iha Dili.

“Hare ba kotuk ita tristi, maibe hare ba oin ita hotu kontenti tanba hetan duni buat nebee ita hotu hakarak. Hau husu laos deit medali hodi tara iha ami nia kakorok ou tula iha ami nia kbas, maibe hare ba oin estadu tenki tau matan ba oan kiak sira no Falintil sira nebe la forti ona,”dehan Joao Ximenes, oan nebe simu nia aman nia medali.

Serimonia entrega medalia ba Orden Falintil ho funu nain iha kampo Stadium Municipal Dili, Tersa (16/5), dereitamente husi Prezidenti Republika Kay Rala Xanana Gusmao. Serimonia nee hasae mos bandeira RDTL, Falintil, Fretilin, CNRT, KOTA, UDT, ASDT, PD no PST.

Serimonia nee iha oan kiak sira balu maka simu medalia tanba sira nia aman mate iha funu laran. Nunee mos feto faluk sira simu medalia husi sira nia laen nebe mate iha funu laran. Emosaun tanis mosu feto faluk sira no oan kiak sira wainhira simu kondekorasaun husi estadu.

Iha oportunidade nee Prezidenti Republika Kay Rala Xanana Gusmao lori estadu nia naran fo homenajem ba heroi sira bazeia ba konstituisaun atu rekoinese no valoriza aswain sira.

Tuir Xanana katak TL dala ruma rai ida nebee dala uluk liu mak halo buat ida nee iha tempu ida nebe badak teb-tebes. Iha tempu ida nebee ema hotu-hotu hanoin atu hari estadu, no hanorin malu hodi respeita valoris demokrasia nian nomos rekoinese rai doben ninia oan mate ba ukun rasik-an.

“Imi nia terus sira nebe mate nia ran sei la soe hela iha mota koak. Ho ruin, ran no terus oin-oin maka ohin ita bele hamrik iha fatin nee ho bandeira ida nebee fo sinal ba mundu katak TL mos hetan ukun-an ona,” hateten Xanana.

Xanana ho hakruk fo louvor ba aswain sira nebee maka mate liu tiha ona ba luta naruk nee. bre

2 comentários:

Anónimo disse...

Simu Karta Offisial Husi Alfredo, Horta Sei Hapara Operasaun

DILI – Prezidenti Republika Jose Ramos Horta hatete, bainhira nia simu ona karta offisial husi Maijor Alfredo Reinado Alves nia sei haruka hapara operasaun militar. “Kuandu simu resposta husi Alfredo, nee operasaun para formalmente” nia hatete.

Nia dehan, operasaun militar Australia Alfredo seidauk para formalmente, maibe forsa sira la buka ona Alfredo. “Hau hatene katak fulan ida ona opersaun nee para”. Nia hatutan, Hau nia pozisaun matein la konkorda ho operasaun, momentu nia hatete ona iha fulan ida liu ba pronto atu halo dialogu para intrega aan ba justisa,” katak Ramos Horta ba jornalista sira foin dadauk nee.

Horta hatete, forsa internasional hatete dehan opersaun nee seidauk para, maibe operasaun nee para ona. Iha fulan ida liu ba sira la halo operasaun kontra Alfredo, maibe sira la halo formalizasaun.

Dala barak ona nia hatete katak, momentu ema ida hakarak entrega aan lalika halo duni opersaun, Prezidenti koalia ona direitamente ho Brigadeiru Jeneral Rerden konaba problema nee.

Nudar xefi estadu Ramos Horta sei la halo kontaktu ho Maijor Alfredo Reinado, maibe Prokurador Jeral, Amo Bispo no nia Advogado mak bele halo. Alfredo tenki fo resposta ba karta nebeee mak Prezidenti Xanana haruka ba katak nia hakarak entrega aan ka lakohi entrega aan. Lakohi entrega aan, operasaun military kontinua.

Tuir media balu, Alfredo hataan ona karta Prezidenti Xanana. Maibe, Horta rasik seidauk hatene. Too aban Xanana sei Prezidenti. Buat nee la partensi ba governu, maibe estadu tomak. Estadu nia pozisaun garantia seguransa no tratamentu dignidade hanesan dadur hotu-hotu.

Iha fatin ketak Primeiru Ministru Terseiru governu konstitusional Estanislau da Silva hatete, nia sei diskuti hamutuk ho Prezidenti Ramos Horta hodi foti desizaun ruma ba problema nee. “Lliu husi reuniaun komisaun altu nivel Prezidenti sei foti desizaun,” tenki Silva.dd

Anónimo disse...

DILI, May 20 (Xinhua) -- Jose Ramos-Horta was here on Sunday sworn in as Timor-Leste's second president since the country got independence five years ago, vowing to bring peace and prosperity to the people of the desperately poor nation.

Ramos-Horta, who won the May 9 presidential election for the future five-year term, took the oath of office before Francisco "Lu-Olo" Guterres, the head of parliament.

"I will consolidate freedom and national unity with all the energy I have," Ramos-Horta said at the ceremony.

"I would not do justice without expressing, on behalf of our state, our sincere gratitude for the contribution the international community as a whole has given towards making our process of nation-building successful one," he added.

"The United Nations in particular has systematically been involved in safeguarding the necessary conditions for people of Timor-Leste to ensure our state grows and develops to its maximum potential," he stressed.

He said, a small and vulnerable country need a dynamic, creative and pragmatic foreign policy, inspired by its national interests, namely those related to its internal and external security, peace and stability, and the economic well-being of the people.

In this context, he said, Timor-Leste's relations with its closest neighbors, Indonesia , Australia and New Zealand and the ASEAN countries, with Portugal, the European Union and the entire international community, will always be nurtured with extreme care and commitment.

"We must also work together to enhance our relations with the United State, the People's Republic of China, the European Union, Japan, the Republic of Korean and India," he said.

Horta, 57, who is also a Nobel Peace Prize winner, became the country's prime minister last year. His predecessor Xanana Gusmao is preparing for participating in the June parliamentary election, in which a new prime minister will be elected.