Railos: Lu Olo Nega Alkatiri ho Regeiro

LIQUIÇA – Komandante grupo sekreta Fretilin, Vicente da conceicao alias Railos hatete, se Prezidenti Fretilin Francisco Guterres Lu Olo nega harii milisa 2006, signifika nega Mari Alkatiri no Rogerio Lobato.

“Se Lu Olo hateten, Fretilin husi grupo radikal maputo seidauk forma milisia, nee nia nega ona Mari Alkatiri ho Rogerio Lobato. Sira bele dehan laos ema timor oan no sira laos ema fretilin,” Railos hatete lia hirak nee Jurnalista, Kuarta (9/5), iha Liquiça.

Nia la refere ba fretilin no akuza, maibe ba liderasa Fretilin nian nebee hakarak fahe povu no oho ho fahe kilat. Railos haree karakter lider Fretilin agora sei opta idelojia marsista no komunista nian mak hakarak hametin nafatin sira nia kadeira ba ukun tinan 50 ka 100 nian.

Railos konsidera aan hanesan milisia nebee mai husi Fretilin. Misaun nebee sira hetan hanesan milisa 99 nian, tanba atu oho nia nia maluk timor oan sira nebee iha diferensia politika ho governu Fretilin.

Nia nunka hanoin atu akuza organizasaun ka partidu Fretilin mak fahe kilat. Basaa nia konese Fretilin nebee i saudoso Nicolau Lobato harii, laos atu oho povu, maibe liberta povu nasaun nee husi kolonial..

“Hau hakarak klarifika tan katak, Lu Olo rasik laos Fretilin, tanba nia ema APODETI. Nia hakarak konta historia kona ba Fretilin nia la halo kompleta, tanba nia ema fatin seluk,” hatete Railos.

Nia husu Lu Olo atu buka hatene milisia Fretilin nee husi Alkatiri, tanba milisia nebee Rogerio forma hetan autorizasaun husi Alkatiri nudar Primeiru Ministru iha tempu neba. “ Se laos Fretilin, liu-liu grupo Maputo nee mak forma milisia sira nee entaun se tan. Keta Xanana, Ramos Horta no povu timor mak admiti ida nee ou militar indonesia mak sei iha nee,” nia komenta. Fretilin nudar partidu historiku, katak Railos tenke eduka ema no hatudu aan hanesan partidu nebee iha maturidade politika tuir nia vijaun nebee hakarak liberta povu nasaun nee husi kiak no mukit.nis