Kampanha Kandidatus Prezidente RDTL, Horta: Ema Dehan Governu Alkatiri Arogante
DILI –Iha premeiro dia kampanha kandidatu Prezidenti RDTL iha GMT, Dili, horsehik, Jose Ramos Horta halo koreksaun total ba governo Alkatiri. Horta hatete katak, kuandu tuur iha kadeira povu nian tenki iha omilidade.
Tuir opiniaun publiku, katak Horta, governo Mari Alkateri arogante. Ema dehan Governo halo servisu diak mais la halo omulidade. “Hau lakohi hateten buat barak,” dehan kandidatu Prezidenti Republika numeru 6 Jose Ramos Horta, liu husi nia diskursu iha GMT, horseik.
Horta dehan, iha tinan 2004 eis Komandante Reziaun II Cornelio da Gama (L-7) halo manefestasaun, governo halo reasaun makaas. Nunee iha 2003, CPD-RDTL hasae bandeira maibe governo haruka polisia duni. Konflitu ho igreja nebee halo igreja tauk no susar hodi halo manifestasaun. “Nee
Krize mosu lalika duun ba ema seluk, tamba governo mak la rezolve problema neebe mosu iha PNTL no FDTL nia laran. “Kuandu halo buat diak governo sira maka halo, maibe aat sira duun ba ema seluk”. Nia hatutan, governo nee mak provoka situasaun hodi nunee mosu krizi. Kuandu Governu bele analiza situasaun iha momentu neba, TL la tama krizi.
Nia dehan, tuir lolos iha fulan maio 2007, nia atu aruma ba rai liur, maibe tamba krize mosu, hodi halo intituisaun Polisia Nasional Timor Leste (PNTL) no Forsa Defeza Timor Leste (FDTL) nakdoko. Neduni, simu todan iha fulan Julho ho kadeira ain tolu deit. “Kadeira nee tohar tiha ona, maibe kamarada balu tau tan anar iha okos. Neduni, susar atu hau halo buat nebe hau hakarak,” nia dehan.
Horta husu ba povu hotu atu nasaun atu sai forte lalika kaer kroat. FDTL manan funu laos tanba kilat, mai husi kakutak. Jenderal boot manan funu laos kilat boot, maibe tenki iha unidade, paz. Hodi nunee tempo too ona atu halao tradisaun dame.
Nia mos iha visaun ida bainhira sai Prezidenti Republika. Nia sei lori Governu no Parlamentu atu servisu hamutuk ho igreja katolika. Programa kandidatu Prezidenti nee nian atu hametin demokrasia hodi respeita povu, respeita tribunal no justisa, nomos ejiiji governu atu orsamentu tulun ba ema kiak sira.
Konaba ekonomia nian, nia sei servisu hamutuk ho nasaun seluk atu resolve problema povu nian. Bainhira sai Prezidenti, nia sei servisu hamutuk Parlamentu Nasional no governo para ezekuta orsan ba ema kiak no joven sira, liliu osan Fundu Petroleum. “4 miloens ba ema kiak, 10 miloens ba joven no estudante (5 miloens ba familia nebee la bele sustenta nia oan atu eskola no 5 miloens loke centru joventude iha distritu no syb-distritu nebee kompleta ho biblioteka no komputador atu joven sira bele asesu) 10 mil ba Igreja,” katak Horta.
Ramos Horta esklarese tan katak osan nebee atu fob a Igreja laos atu nunee Horta bele tama iha Lalaehan, maibe atu ajuda Igreja katolika tanba durante Igreja halao nia papel iha distritu, sub-distritu nomos suku nebee mak governu la bele atu tama. Durante nee Igreja ajuda povu iha fatin-fatin nebee mak governu labele tama. Hodi nunee, estadu tenki fo tulun ba Igreja atu resolve problema povu nian.
Nia dehan, nasaun ida tenki halo relasaun diak ho Igreja laos halo konfrontasaun, tanba nasaun maka laiha espiritu, nasaun nee sei monu. Bainhira sosidade tuir material, violensia sei mosu. Nia mos hakarak halao nafatin relasaun diak ho nasaun Eropeia no Amerikanu tanba nasaun nee sempre ajuda Timor Leste bainhira presija sira nia tulun. Hanesan, nasaun husi Uni Europa nian sira iha influensia iha politiku, ekonomiko nebee TL presija. Bele iha deferensia, maibe tenki buka atu hametin relasaun.
Nia hatete, TL mos tenki hametin relasaun diak nasaun vijinu hanesan
Uluk tempu rezistensia nia laran, hahu husi banku eskola Soibada, Ramos Horta simu orden husi Nikolau Lobato atu defende
.JPG)
Sem comentários:
Enviar um comentário