Joao Cancio: Area Otonomia Kampus Laos Halo Seenak GueDILI

Edition: 08 July 2008
Joao Cancio: Area Otonomia Kampus Laos Halo Seenak GueDILI--Ministru Edukasaun, Joao Cancio nebee jornalista husu konaba ninia haree ba manifestasaun nebee halao husi estudantes universidade, hatete katak Timor nee pais demokratiku, nebee estudantes sira hanesan ema akademiku, bele hatoo sira nian hanoin maybe iha mos lei. Tanba ida nee, hatete Joao Cancio katak hanesan ema akademiku tenki kumpri mos lei, tanba direitu nudar estudantes atu hatoo sira nian hanoin nee demokrasia no ema hotu iha direitu.Wainhira husu konaba atuasaun membru PNTL nian hodi atua estudantes sira, Ministru Joao Cancio hatete, nia seidauk hetan informasaun klaru tanba wainhira akontese nee nia halao hela inkontru ho Komisaun F-PN.“Universidade hanesan ema akademiku iha liberdade atu hatoo sira nian hanoin, maibe iha mos lei nebee aprova tiha ona husi PN. Tanba iha lei mos hatete katak wainhira atu halao demostrasaun nee tenki ho distansia 100 metrus,” deklara Joao Cancio.Responde konaba manisfestaun estudantes nebee halao iha area universidade nebee nudar hak atonom universidade nian, Joao Cancio hatan katak mesmu bele hak atonom, maibe kuandu halo demostrasaun nee lei iha. Tanba hak atonom nee buat ida no demostrasaun nee mos buat seluk ida, tanba nee maka hanesan sidadaun tenki haree mos buat nee.“Iha universidade ita koalia konaba hak otonom, nee ita koalia konaba otonomia ema kampus ninian no ema intelektual nian atu memgembangkan ilmu, nee maka ita koalia otonomia, laos ita koalia otonomia atu halo seenak gue. Nee lae,” hatete Joao Cancio.Joao Cancio mos hatutan, hanesan ema akademia nee halo kontrol social importante tebes, maibe kuandu halo manifestasaun ruma nee iha lei ketak nebee regula. arm