quinta-feira, 3 de julho de 2008

Taur : Preparasaun Rekrutamentu Depende Akredisaun

Edition: 03 July 2008

DILI-Komandante Jeral F-FDTL Brigadeiru Jeneral Taur Matan Ruak hatete, prosesu rekrutamentu ba forsa foun nebee sei halao iha fulan nee nia laran, sei depende ba akreditasaun. Kuandu akreditasaun hotu tona, fim Agustu bele ona halo testing.
Taur haktuir lia hirak nee ba jornalista sira hafoin inkontru ho Prezidenti
Republika (PR) Jose Ramos Horta iha Palacio Presidensial, Farol, Dili, Kuarta (02/7).
Iha hasoru malu nee, Taur informa ba PR Horta kona ba aktividades balun nebee mak halao iha forsa F-FDTL nia laran. Liu-liu, preparasaun oinsa bele hahu rekrutamentu ba ema nebee hakarak tama ba iha F-FDTL.
"Ami sei hein prosesu akredisaun. Kuandu akreditasaun hotu ona, entaun formulariu bele sai ona. Se kuandu kleur liu entaun iha fim Agustu mak hafoin halo testing," Taur esplika.
Wainhira husu nia hanoin kona ba eleisaun antisipada, Taur hatete, oras nee povu sei hamlaha hela, nebee povu nia terus no eleisaun antisipada nee problema ket-ketak. Prekupasaun agora mak kona ba presu sasan nian nebee halo povu kiik la iha kbiit atu hola.
"Ita nia governu tenki iha konsiensia ho situasaun nee," Taur hatete. mik

Sem comentários: