sexta-feira, 7 de setembro de 2007

Timor Leste: Fretilin rejeita liderar "Comisaun B"do Parlamento Nacional (PN)

Edition: 06 September 2007

Fretilin Rezeita Lidera Komisaun B PN

DILI—Membru Parlamentu Nasional (PN) Bankada PSD Vital de Jesus alias Reak Leman hatete Aliansa Maioria Parlamentar (AMP) no partidu seluk hakarak servisu ho objetivu atu servi ba povu.

Tanba nee AMP hakarak intrega komisaun B ba Bankada Fretilin lidera hodi servi mos povu nasaun nee, maibe Fretilin rezeita. “Komisaun B Asuntu Estranjeirus, Seguransa i Defeza atu fo maluk sira husi bankada Fretilin, maibe Fretilin rezeita. Tanba lakohi, Hau dehan katak ita hotu mai husi partidu opozisaun ka partidu seluk, kuandu tama iha uma fukun nee atu servisu ba povu,” Riak Leman hatete lia hirak nee ba STL iha edifisiu PN Dili, Tersa (4/9).

Parlamentu Nasional liu husi inkontru bankada konkorda ona atu intrega intrega komisaun B argaun ida nee ba bankada Fretilin, mesmu mosu konfuzaun boot, maibe konsege duni iha konsensus. Sekertariu Jeral partidu Fretilin Mari Alkatiri mos koalia katak bankada Fretilin hakarak lidera komisaun A, B no C, maibe ikus mai bankada Fretilin rejeita la ho razaun ida klaru.

Iha formasaun komisaun espesializadas no komisaun espesializadas permanete parlamentu nasional nian Intendementu diak husi bankada sira seluk atu fahe malu iha kadeira iha komisaun nian. Hanoin ida nee tuir Rak Leman laos atu hadaum malu kadeira, maibe oinsa atu fahe servisu ba malu hodi servi povu rai nee.

“Ami nia inkontru bankadas mos iha maluk barak nebee husu hau atu bele lidera komisaun B, maibe hau fo deit resposta ba sira katak hau katuas ona, maibe hau oras nee dadauk sei obriga aan tur nudar deputadu, tanba haree ba situasaun rai laran no haree ba povu nia moris. Maibe tuir lolos hau ho hau nia kolega deputadu Cornelio Gama alias L-7 no Renan Salak deskansa ona iha uma hodi goza ukun aan nee i la presiza halo politika,”nia komenta.

Membru PN Bankada Fretilin Francisco Miranda Branco hateten katak liu husi debates bankadas nian koalia barak kona ba formasaun komisaun nian, maibe buat nebee akontese maka laiha konesimentus ba bankada Fretilin. Durante halao negosiasaun entre bankadas hot-hotu. Tanba Fretilin rekuza komisaun B lidera husi Deputadu Duarte Nunes husi Bankada CNRT. “Ba ami nee laiha problema, maibe importante liu nudar reprezentante povu iha parlamentu nasional ida nee halao nia papel fiskalizasaun ba orsamentu jeral estadu no halo akompaniamentu ba estrutura governu nian, mezmu ami la lidera komisaun B PN.

Komisaun C asuntu ekonomia i finansas lidera husi Manuel Tilman, nunee mos Fretilin prizidi komisaun Juventude desportu no komisaun redusaun pobreza.”ino

Sem comentários: