Timor Leste: Nova Zelandia abre porta para Formação Academica da F-FDTL

Edition: 12 September 2007
Nova Zelandia Loke Odamatan Ba Formasaun Akademia F-FDTL
DILI –Estadu Nova Zelandia prontu ona atu simu membru F-FDTL nebee mak estadu haruka atu ba tuir formasaun academia military iha nasaun nebaa.

Konkordansia ba formasau nee hatoo dereitamente husi Nova Zelandia, liu husi inkontru entre Komandante Militar Nova Zelandia, Letnan Jeneral Kerry Mateparay, Primeiru Ministru Kay Rala Xanana Gusmao ho Sekretario do Estadu Defeza Julio Tomas Pinto iha Palacio do Governu, Tersa (11/9).

Komandante Militar Nova Zelandia Letnan Jeneral Kerry Mateparay halo vizita mai TL hodi fo kongratulation ba governu foun nebee lidera husi PM Kay Rala Xanana Gusmao, nudar mos nudar Ministru Defeza no Seguransa.

“Iha vizita ida nee ita mos hakarak halao kopera diak mos ho Nova Zelandia liu-liu area treinamentu military,” dehan Sekretario Estadu Defeza Julio Tomas Pinto ba jornalista hafoin hasoru malu entre Letjen Kerry ho PM Xanana.

Tuir Julio Pinto, importante ba Timor iha futuru presiza prepara advaisor ba F-FDTL no prepara treinu ba membru F-FDTL(small arms training). Iha sorumutu nee mos koalia kona seguransa rai laran, liu-liu partisipasaun forsa Nova Zelandia iha Forsa Estabilizasaun Internasional (FSI) nebee komando husi Australia.

“Governu TL fo obrigadu barak ba forsa Nova Zelandia liu husi Kerry,” Julio presta.

PM Xanana esplika ba Kerry katak nesesidade governu TL iha asuntu koperasaun entre FSI ho F-FDTL iha futuru oin mai. Xefi governu husu ba Komando Militar Nova Zelandia liu husi Letjen Kerry atu membru F-FDTL bele partisipa iha akademia militar nian iha Nova Zelandia. Mas, kestaun preparasaun SED nian, nebee sei koordena ho Brigadeiru Jeneral Taur Matan Ruak. bre