Dom Ricardo: Igreja La Tama Task Force, Alfredo : Serve Nai Ulun Deit

Edition: 21 January 2008

DILI–Bispo Diocese Dili, Dom Alberto Ricardo da Silva, hatete katak igreja la iha hanoin atu submete iha Task Force ba asuntu politika kazu Major Alfredo Reinado Alves nian tuir ejistensia husi governu.

“PM Xanana Gusmao koalia ho hau duni, maibe la koalia konaba ida nee. Xanana koalia konaba buat selu-seluk deit,” haktuir Dom Ricardo responde STL wainhira partisipa iha misa Komemorasaun Padroeiru Kapela São Sebastião Hudilaran, Domingo (20/1).

Dom Ricardo hatutan, igreja la bele tama iha Task Force, tanba buat politika nee igreja la bele mete, se tama entaun ida nee sala. Tan nee, igreja sei la delega padre ruma ou Vigario Jeral Diocese Dili, Mgr. Apolinario Guterres iha Task Force.

Dom Ricardo simu PM Xanana Gusmão iha ninia rezidensia, Kinta (17/1), hodi koalia konaba programa oinsa mak bele rezolve problema liu hosi ida-idak nia faze para hot-hotu hamutuk hadia problema seguransa, deslokadu, dezempregu, hahan susar no kiak.

Iha audensia Amo Ricardo simu informasaun katak Xanana tenta hakas aan hodi rezolve problema sira nee hotu ho lalais. Maske Xanan la koalia espesial konaba kazu Major Alfredo nian, maibe nia koalia katak sei rezolve problema hotu inklui kazu Major Alfredo nian.

Bispo Ricardo apela ba sarani tomak kona ba paz, kompriensaun, haree malu didiak no fo liman ba malu para problema bele hotu ho diak. Igreja nia mos mensajen hakarak hatoo paz ba PM Xanana no ema hatu.

Taks Force Serve Nai Ulun Deit

“Taks Force hanesan servidor ba ema balu nian, nebee oinsa mai buka informaaun hodi serve interese nai ulun balu-balu nian. Sira mai reuniaun ho buat seluk, maibe hatoo ba media interese individu nian. Kria Task Force laos atu serve nesesidae oinsa buka solusaun rezolve krize hodi garante paz no estabilidade, maibe halo buat seluk,” dehan Major Alfredo Reinado Alves ba jornalista sira iha Suai, Kinta (17/1).

Tuir Alfredo, MUNJ rejigna aan, tanba orgaun independenti ida neebe hamrik hodi povu nia naran, maibe nia la aseita MUNJ tama iha Taks Force. Tuir Alfredo hanesan orgaun independenti ida nia bele partisipa iha reuniaun Taks Force nian, maibe la bele tama sai membru, Task Force nee kria husi governu. MUNJ laos ema governu entaun MUNJ hakiduk nee dalan diak para se mak mai iha Taks Force nee tenki mai husi orgaun governu laos indepedenti .

Nia hatutan, lalika dehan Taks Force nee sudah tidak ada iha nia kamus la iha ona no faila ona, reuniaun dala haat ou lima halo ema atu oho tan Alfredo nee duni buat neebe nia aseita oin seluk haruka surat mai oin seluk.

Alfredo dehan, reuniaun iha Dili nee kansela, signifika Sekertario Estadu nain rua (Defeza ho Seguransa-red) faila ona, tanba koalia buat ida la tuir buat neebe sira tenki koalia.

Nia hateten, Sekertariu Estadu sira iha neeba la iha direitu atu hatete dehan ida nee militar ou lae, tanba tuir Alfredo, nee kompetenti ema seluk nian liu husi forum seluk.

Alfredo hatutan, Sekertariu Estadu nain rua uza fali Taks Force nia hodi termina ida nee militar i ida neeba la militar ona. No kecewa liu tan katak afinal sira nain rua iha neeba iha interese hela interese sukuismu. Taks Force laos Alfredo mak kria, senhor Premeiru Ministru mak kria para reprezenta governu nian.

“Hau fiar ona ba sira, needuni hau entrega poder tomak ba hau nia komandante Supremu. Husi premeiru kedas bele entrega ba PR oinsa atu rezolve krize nee, liu husi meus dalan atu hasoru Alfredo nia grupu hodi halo dialog tanba nia mak komandante supreimo iha responsalvel militar nian,” katak Alfredo.

Nia hatutan, “Ami ema military, needuni ida nee responsavel laliu husi governu tanba governu la iha responsablidade iha parte military. Nee xefi husi estadu ou Prezidenti Republika tuir artigu 75.”

Nia konfesa, Prezidenti mos mai hasoru nia ona iha Maubise i pasu ida diak se PR lidera ho diretamente Task Force. Tanba, PR nudar komandante Supreimo, nia bele kria fali orgaun para bele atu tur ho se-se deit bele buka mekanismu ida para rezolve krize nee.

“Tenki mai husi gabinete Prezidenti, laos mai husi governu, tanba involve iha krize governu autor krize nee ita hatene iha 2006 akontese krize nee governu mak fo ordem ba intituisaun, nebee konesementu husi PR i Prezidenti lakoi ambil pusing,” katak Alfredo.

Alfredo La Serve

Relasiona ho deklarasaun Major Alfredo nian nee, fontes konfirmadu hateten, Major Alfredo la fimi iha nia pzisaun. Katak, aban kolia ida no bainru koalia seluk. Tanba nee, fontes konfirmadu nee kunsidera katak Alfredo la serve sai komandante.

Fonses nee sublinha tan, Alfredo kala haluha tiha katak, nia duni mak deklara fahe nasaun nee ba rua iha nia iha CD. Maibe, agora nia duun fali Task Force mak halo fali sukuismu.

“Alfredo la respeitu nia deklarasaun, tan nee ami mos la fiar tiha ona nia,” hatete fontes konfirmadu nee. tor/qui