domingo, 26 de agosto de 2007

Timor Leste: Longinhos Monteiro podera ser o Comandante da PNLT e Ana Pessoa para Procurador Geral.


Edition: 24 August 2007 Longuinhos Sei Sai Komandante PNTL Ana Pessoa Prokurador Jeral

DILI- Prokurador Jeral da Republika, Longuinhos Monteiro sei eleitu sai Komandante Jeral Polisia Nasional Timor Leste (PNTL), no eis Ministra Statal, Ana Pessoa Pinto sei hola pozisaun Prokurador Jeral Republika hodi troka Longuinhos.

Prokurador Jeral da Republika, Longuinhos Monteiro ba STL iha nia servisu fatin, Kaikoli, Dili, Kinta (23/8), hateten katak Prezidenti Republika, Jose Ramos Horta iha ona hanoin atu transfere nia ba pozisaun Komandante Jeral PNTL hodi hadia instituisaun nee iha futuru.

Ana Pesoa bainhira husu nia konaba nomeasaun pasta foun nee, nia rekuza presta komentariu. “Hau la hatene konaba informasaun nee. Hau agora nudar deputada Parlamentu Nasional. Ida nee informasaun nebee la los, tanba hau rasik mos seidauk hatene,” hatete eis Ministra da Justisa nee hodi hatan STL iha parlamentu nasional.

Maske nunee, Longuinhos hatete, nia rasik hetan ona informasaun kona ba nomeasaun foun nee, maibe ida nee depende ba nia, bainhira nia konkorda atu simu kargu foun nee, signifika fo dalan ba Ana Pesoa atu prense fatin nebee nia husik hela.

“Rumoris atu sai Komandante Jeral da PNTL nee los. Maibe hau lakohi komenta barak lai. Tanba desizaun atu sai Komandante PNTL nee iha hau nia liman no hau seidauk koalia buat ruma,” Longuinhos haktuir.

Nia esplika katak nia simu ona informasaun ba nomeasaun nee, no Prezidenti da Republika bolu ona nia hodi husu konaba informasaun nee. Maibe kuntinuasaun ba prosesu nee oinsa, nia seidauk bele koalia lai. Longuinhos hatan, atu simu knar foun nee ou lae presiza tempu. Mas, pozisaun ba Prokurador Jeral nee kompetensia Prezidenti Republika nia nnee mak sei koordena ho Primeiru Ministru.

“Hau so husu deit karik desizaun nebee mak estadu ka governu foti atu tau ema ida nudar Prokurador Jeral nee tenki desizaun ida justu. Tanba, kuandu ita atu hadia instituisaun ida seluk, maibe ita mos la bele husik hela imajen ida la diak iha instituisaun ida nee,” Longuinhos dehan. arm

2 comentários:

Teri disse...

Nice Blog :)

Anónimo disse...

obrigada